Siglir tar il cuntegn
Inhalt

Ulteriur Grischun A Cuira dovran uffants dapli agid social

En la citad da Cuira restà il basegn da l'agid social sin il nivel dals ultims tschintg onns. Dentant è la quota tar uffants pli auta ch'en ulteriuras citads.

Vista sur Cuira.
Legenda: A Cuira dovran uffants dapli agid social ch'en autras citads svizras. Keystone

En la chapitala grischuna èn uffants e giuvenils suttamess ad ina pli gronda ristga ch'èn las ulteriuras 13 citads ch'èn vegnidas intercuridas. Lur quota d'agid social è s'augmentada sin 6,7%.

Cifras constantas tar ulteriuras gruppas

En la citad da Cuira resta il basegn da l'agid social sin il nivel dals ultims tschintg onns. Tant il dumber dals cas sco er il temp da retratga da l'agid sajan restads contants. Quai communitgescha la chanzlia da la citad sa referind sin il nov rapport davart l'agid social. A Cuira munta la quota da l'agid social 3,2% – quai che correspunda a la media da las citads svizras da 3,3%.

Sco quai che la chanzlia scriva, saja il dumber da cas socials s'augmentà pli pauc ch'en media dals ultims tschintg onns. La durada da retratga da radund dus onns e mez en media saja er stada constanta.

RR novitads 10:00