Brischà ha il plaun sutterran da la posta veglia nua ch'era la butia Alpen-Hirt sa chatta. La butia da spezialitads d'alp è gest sper la baselgia da Tschiertschen. L'incendi è rut ora curt avant las duas, i saja era stà d'udir ina explosiun. Daco ch'igl ha brischà n'è anc betg cler.
Tenor la polizia chantunala hai dà dus blessads. In um da 66 onns ha pudì mitschar sur ina terrassa d'ina chasa vischinanta. L'auter um da 65 onns ha pudì ir en il liber dal plaunterren. Cura ch'el era en il liber gievi adina pli mal ad el. Ins ha silsuenter transportà quella persuna en l'ospital a Turitg. La persuna cun arsentadas è vegnida transporta en l'ospital a Cuira.
Ils pumpiers da Tschiertschen-Praden e Cuira eran cun total 60 persunas en acziun ed han pudì stizzar il fieu.
RR novitads 17:00