Ils lavurers lavuran bler durant la notg, uschia che las lavurs vid l'autostrada A13 avanzan a moda effizienta. Il mainaproject Roman Kurath da l'Uffizi federal per vias ASTRA è cuntent cun il stan actual.
- La punt da Halbmil è gia construida - en funcziun n'è ella dentant anc betg.
- L'atun survegn il vial dal sid, che va en direcziun da Cuira, parallel in vial en direcziun Turitg.
- Il vial actual da l'autostrada A13 che maina en direcziun da Turitg vegn disfatg.
- A la fin dal project vegni a dar in pli grond terren agricul e dapli spazi per ils animals selvadis. Motiv: l'autostrada vegn construida uschè datiers sco pussaivel als binaris da la viafier.
L'entir project da l'autostrada A13 tranter Cuira e Zezras che custa radund 100 milliuns francs duai esser a fin l'onn 2018.
RR Actualitad 08:00