Siglir tar il cuntegn

Header

Purtret da l'auto da persunas donnegià sin la via.
Legenda: Cletg en il discletg – sa blessà n'è nagin pervi da l'accident. MAD, Polizia chantunala
cuntegn

Accident cun camiun Charrà en faussa direcziun e chaschunà accident

Sin l'autostrada A13 ha in manischunz d'in camiun ch'è charrà en la faussa direcziun chaschunà glindesdi saira ina collisiun vehementa.

Il chauffeur da 54 onns che charrava da Tusaun en direcziun Cuira era vegnì sin l'autezza da Rehanau, sin il fauss vial. Curt suenter è quel lura collidà cun in auto da persunas che vegniva encunter sin il vial per surpassar. malgrà che quel ha empruvà da sviar èn ils dus vehichels collidads vehementamain da la vart. Blessads n'hai dà nagins.

Per radund duas uras han ins pudì charrar be sin ina vart da la via. Plinavant ha la via stuì vegnir schubregiada perquai ch'i ha da fitg bleras stgaglias. Perquai che la via da l'autostrada è stada memia satiglia per volver il camiun en la dretga direcziun, han ins lura anc stuì ir vinavant cun il camiun en la faussa direcziun, fin Cuira sid e là giu da l'autostrada.

RTR novitads 14:00