Ulteriur Grischun - Accident da lavur cun splattitscha a Tavau
Durant splattitschar il catram frestg sin in passape è quel rut en ed il manischunz è crudà ensemen cun la maschina radund quatter meters en la profunditad.
L'um è vegnì blessà fermamain sco la Polizia chantunala communitgescha. Ils pumpiers da Tavau han pudì salvar el cun in auto-stgala. La Rega ha lura sgulà il lavurer en il spital chantunal a Cuira. La procura publica e la Polizia chantunala sclereschan pertge ch'il passape che maina sur ina part d'in tschaler or è rut en.