Siglir tar il cuntegn

Header

Accident da tren.
Legenda: Curt avant la staziun da Seglias è la cumposiziun da tren collidada cun plirs craps pli gronds ch'eran crudads sin las rodaglias. mad
cuntegn

Accident da tren a Seglias Traject Tusaun-Casti è bloccà - entant curseschan bus

Quant ditg ch'il traject da la Viafier retica tranter Tusaun e Casti restà serrà, n'è anc betg cler. La pledadra da la Viafier retica Yvonne Dünser ha ditg a l'agentura da novitads Keystone-SDA ch'els giuditgeschian da nov la situaziun damaun da mezdi. Davart ils donns na datti anc naginas infurmaziuns. Actualmain curseschan bus da remplazzament sin il traject.

Locomotivista blessada mezgrev

Glindesdi saira curt avant las 19:30 è in tren da la Viafier retica ì sur ils binaris or en Tumleastga. La locomotivsita è sa blessada mezgrev. Ella è vegnida transporta en l'ospital a Tusaun. Las 29 persunas en il tren n'èn betg sa blessadas, ellas èn vegnidas evacuadas.

Collidà cun craps sin rodaglias

Tenor la Polizia chantunala era il tren da viadi da Casti en direcziun Tusaun. Curt avant la staziun da Seglias saja la cumposiziun da tren collidada cun plirs craps pli gronds ch'eran crudads sin las rodaglias. La locomotiva e dus vaguns èn siglids ord ils binaris.

RTR novitads 10:00

Artitgels legids il pli savens

Scrollar a sanestra Scrollar a dretga