La gievgia era in’automobilista en viadi sin la via da Lunden vers Schiers, cur ch’ella ha stuì franar ses auto dal tuttafatg per pudair cruschar cun in tractor. Il ciclist, in um da 76 onns, haja probablamain realisà quai memia tard, haja stuì franar andetgamain e saja crudà sinaquai, descriva la polizia l’andament da l’accident. L’um saja lura vegnì reanimà anc al lieu e suenter vegnì sgulà en stadi critic cun la Rega en l’Ospital chantunal a Cuira, nua ch’el saja mort la notg sin sonda.
RR novitads 12:00