Siglir tar il cuntegn
cuntegn

Ulteriur Grischun Accident en la staziun da Cuira vegn prendì sut la marella

In accident cun in vagun da crana il november passà en la staziun da Cuira vegn examinà pli precis. Il Servetsch svizzer per enquistas da segirezza Sust haja avert in'inquisiziun rapportescha l'agentura da novitads SDA.

In tren che passa.
Legenda: Ils passagiers han stuì spetgar fin che lur trens han puspè savì circular tenor urari. Keystone

L'accident era capità la notg dals 23 da november vers las 02:00. Durant colliar in vagun da crana da la SBB cun in vagun da vitgira eran quests dus vaguns sa mess en moviment betg intenziunadamain. Els avevan pir sa fermà cur ch'els eran collidads cun in ulteriur vagun.

Tenor il Servetsch svizzer per enquistas da segirezza Sust, in post federal, haja quai dà donns vi da l'idraulica dal vagun da crana, vi dals binaris, il vagun e differenta iseglia. Persunas na sajan betg vegnidas feridas.

RR novitads 16:00