Siglir tar il cuntegn

Ulteriur Grischun Accident mortal a Lüen

A Lüen en il Scanvetg è in um mort d’in accident cun in metrac. L’um dad 87 onns era en viadi sin ina via da muntogna cura ch’el ha vulì guntgir in vehichel che vegniva encunter.

Il metrac dal um da 87 onns è sa fermà en il chagliom. L'um è sa blessà fermamain e mort en l'ospital.
Legenda: Il metrac dal um da 87 onns è sa fermà en il chagliom. L'um è sa blessà fermamain e mort en l'ospital. Polizia chantunala

En ina curva ha l’um cun il metrac vulì guntgir in auto che vegniva encunter. Sinaquai è el vegnì giud via cun ses vehichel agricul ed è charrà var 50 meters d’ina senda giu nua ch’el è sa fermà en il chagliom. Il manischunz è vegnì schlavazzà tranter la fanestra e la pala dal vehichel, scriva la polizia chantunala. Curt suenter che la Rega ha transportà l’um fermamain blessà a l’ospital chantunal a Cuira è el mort.

RR novitads 11:00