Legenda:
Il manischunz da 27 onns n'ha betg survivì la greva collisiun.
POCHA
cuntegn
Ulteriur Grischun - Accident mortal a Tavau
Curt avant mesanotg hai dà in grev accident cun auto a Tavau. Il manischunz è mort anc en il lieu da l'accident, ses passagier è blessà. Per sclerir l'andament da l'accident tschertga la polizia persunas che pon far indicaziuns.
Il manischunz da 27 onns è charrà cun ses auto sin la via da val da Tavau-Platz en direcziun Tavau-Vitg. Tar l'access da la via Regina è l'auto ì sur la via ora ed ha sdrimà in candelaber. Suenter è l'auto collidà fermamain cun la part davos d'in auto parcà, lez hai sdermenà davent. Entras la collisiun è il manischunz vegnì serrà en ed ha stuì vegnir liberà dal salvament da via. L'um è mort anc en il lieu.
