Siglir tar il cuntegn
Inhalt

Ulteriur Grischun Accident sin pista a Lai-Arosa

Tar ina collisiun en il territori da skis da Lai-Arosa è ina dunna da 76 onns vegnida blessada mez-grev.

Qua è l'accident capità: Pista nr 5 per lung la sutgera Plattenhorn ad Arosa.
Legenda: Qua è l'accident capità: Pista nr 5 per lung la sutgera Plattenhorn ad Arosa. mad

En il territori da skis da Lai-Arosa èsi vegni glindesdi tar ina collisiun tranter duas persunas. Ina dunna da 76 onns è vegnida blessada mez-grev, communitgescha la polizia chantunala.

Tar la staziun d’ina da las sutgeras saja quai vegni tar la collisiun d’in snowboarder cun la dunna da 76 onns. Il snowboarder n’era para betg conscient da las consequenzas dal accident e saja i vinavant. La dunna ha pudì ir sezza fin en la val e tar il medi. Lura è ella vegnida ospitalisada cun blessuras mez grevas en l'ospital chantunal a Cuira.

RR novitads 15:00