Accident sin via d'Arosa - Manischunz è sa blessà mez-ferm

Tranter Peist e St. Peter è in auto cupitgà la sonda saira suenter las 20:30 tar in manever da surpassar. Il manischunz è sa blessà a moda mez-greva. Sco la Polizia chantunala scriva, ha l'um surpassà in auto cun in char da chavals che charrava en direcziun da Cuira. Cun far quai saja el collidà cun la saiv e l’auter auto. Sin quai è el cupitgà, ma restà sin la via. Passants èn s’occupads dal manischunz blessà, avant che l’ambulanza ha transportà el a l’Ospital chantunal a Cuira.