Tar ina collisiun frontala datiers da Schiers è in automobilist da 19 onns mort il glindesdi avantmezdi. Il giuven charrava sin la via naziunala da Küblis vers Landquart – da tschella direcziun vegniva ina automobilista da 50 onns. Al lieu «Über der Landquart» èn ils dus autos collidads frontalmain in cun l'auter. Las duas persunas che manischavan ils autos èn vegnidas serradas en.
Il giuven è mort anc al lieu. La dunna ha stuì vegnir deliberada dals pumpiers or da l'auto. La Rega ha transportà la dunna cun grevas blessuras en l'Ospital chantunal a Cuira.
La via è stada serrada var quatter uras. Daco ch'igl ha dà la collisiun n'è anc betg enconuschent. La Polizia chantunala tschertga perditgas.
audio
Per tadlar: Las novitads da las 17:00
ord RTR Audio dals 08.02.2021.
laschar ir. Durada: 5 minutas 54 Secundas.