Il nov ospizi a Maiavilla duai esser ina nova purschida per persunas ch'èn curt avant la mort. Igl è vegnì bajegià duas abitaziuns cun mintgamai duas chombras. Vul dir, che quatter persunas pon il medem mument esser en l'ospizi. Ils manaders quintan che las persunas vegnan en media a passentar lur davos 15 dis en l'ospizi.
In vast team da tgira
Per ademplir als cussadents durant lur ultims dis da la vita ils giavischs è in team da differentas persunas responsabel. Igl ha persunas ch'èn scoladas en il sectur da palliative care, tgiraders psichiatrics, spirituals ed i dat era la pussaivladad da far terapia da tuns ubain terapia cun animals.
Er chantun sa participescha als custs
Ils custs surpiglian ils cussadents en emprima lingia sezs. Cunquai che la nova purschida vegn a levgiar ils teams palliativs dals ospitals sustegn er il chantun quest project en cas da deficit – quai cun ina summa da maximal 1.2 milliuns ils proxims trais onns.
RR actualitad 17:00