Il WEF a Tavau duai surpigliar responsabladad per il clima. Cun questa pretensiun centrala han ils activists dal clima cumenzà oz a Landquart il marsch da trais dis vers Tavau. Passa 600 persunas èn sa radunadas perquai a la plazza da la staziun.
Betg da la partida: L'activista svedaisa Greta Thunberg. Ella vegn spetgada al WEF. Ils activists han reclamà che nagut saja capità dapi la davosa visita da Thunberg al WEF da l'onn passà.
Nagin permiss per ultima etappa
Per il traject tranter Claustra e Tavau n'han ils organisaturs dal marsch betg survegnì il permiss. Atgnamain han els planisà da chaminar sin la via principala vers Tavau. Ord motivs da segirezza n'ha il Cussegl communal da Tavau dentant betg dà la lubientscha.
Perquai guntgeschan ils organisaturs dal marsch da protest sin sendas da viandar. Per quellas na dovran els nagina lubientscha.
RTR novitads 14:00