Ad Arosa cumenzan las lavurs da spazzar il Posthotel ch'era ars la fin da december. Tenor ils possessurs dal hotel duran las lavurs da spazzar il bajetg otg fin diesch emnas. Durant las lavurs vegn empruvà da salvar ils tresors ch'èn anc en la ruina.
Spazzar il hotel ars haja emprima prioritad cunquai ch'il bajetg è fermamain periclità da sballunar, uschia scrivan ils possessurs. Ord motivs da segirtad vegn il bajetg surveglià di e notg sco er las fins d'emna d'ina firma da segirtad.
Legenda:
Il hotel vegn spazzà dal tut. Ils tresors quint'ins da pudair salvar.
RTR, Nadja Cadonau
