La gievgia cunter saira aveva in pastur annunzià al persunal da la chamona Schesaplana ch’el haja chattà ina bara. L’alpinist austriac da 71 onns ch’era persul sin viadi, sto esser crudà giu en territori stip e grippus, sco la Polizia chantunala scriva. La Rega ha sgulà davent la bara da l’um.
Tenor emprimas infurmaziuns era l’um chaminà la mesemna dal Lünersee a la chamona Totalp, e planisava da cuntinuar via la chamona Schesaplana al Caveljoch e puspè enavos al Lünersee. Cura ch’el n’era betg pli turnà sin il campadi da ses lieu da vacanzas, avevan las autoritads austriacas instradà in’acziun da tschertga.
RR novitads 16:00