Ulteriur Grischun Anc 2 mais per chattar cunvegna

Sco quai ch’il CEO da la Carna Grischa, Martin Niederberger, ha ditg envers RTR, è il moratori vegnì prolungà per ulteriurs dus mais. Uschia hajan els uss dapli temps per far fit la firma e per chattar ina schliaziun cun ils crediturs.

Ils davos temps haja numnadamain dà bleras midadas en firma, èra strategicas. Sche la firma è puspè en gamba, hajan ins era las premissas per discutar cun ils crediturs, uschia Niederberger.

Stefan Lechmann da la dretgira districtuala ha confermà envers RTR ch’il moratori da la Carna Grischa è vegnì prolungà.