Uschia n'è la dunna da Tumein betg mo la meglra tiradura da sport grischuna, mabain era - ensemen cun ses chor «incantanti» - giuvna campiunessa europeica da l'onn 2017.
Il pli fitg batta ses cor dentant per il crear vestgadira. Gia sia mesa vita cusa la dunna da 23 onns. Ses emprim dretg vestgì ch'ella ha cusì è stà ses vestgì da confirmaziun - il start da sia carriera. Dapi lura n'ha ella mai pli cumprà in vestgì per in'occurenza.
Per ses bachelor a la Scol'auta dals arts a Turitg da quest onn ha ella cusì l'emprima giada en sia vita ina entira collecziun. E quella collecziun è er stada quai che ha midà tut per ella. Dapi quella collecziun ha ella il siemi da mo anc far moda e viver da quai.
Uschia ha ella interrut ses studi e sa mess ina deadline. In onn ha ella temp per chattar or, sche quai pudess funcziunar cun ses label da moda. Emprender a conuscher la dretga glieud, far enconuschent ses label, cuser pliras collecziuns e preschentar quellas a la publicitad.
E per che quai gartegia, dat Anna Laura Klucker tut ed Anna Laura Klucker na fa nagut a mesas.
-
Bild 1 von 11. L'entschatta da la filmada. Uschia vesi or avant chi vegn filmà - dapertut equipament da filmar. Bildquelle: RTR/Donatella Bonifazi.
-
Bild 2 von 11. Il cumbat cun il sulegl. Mintgatant na constat la glisch simplamain betg per pudair filmar bels maletgs - uschia ch'ins ha d'improvisar. Bildquelle: RTR/Donatella Bonifazi.
-
Bild 3 von 11. Damanaivel. L'um da camera filmescha fitg exact quai che la protagonista fa. Bildquelle: RTR/Donatella Bonifazi.
-
Bild 4 von 11. Filmar interacziuns. L'um da camera vi da filmar las dus protagonistas che discuteschan. Bildquelle: RTR/Donatella Bonifazi.
-
Bild 5 von 11. Filmar detagls. L'um da camera che filmescha detagls - quels èn enorm impurtants per pudair tagliar ina bella contribuziun. Bildquelle: RTR/Donatella Bonifazi.
-
Bild 6 von 11. Lungas intervistas. Per in film da 15 minutas vegn dumandà bler - uschia che la protagonista ha gì da seser ditg sin sia sutga e dar resposta. Bildquelle: RTR/Donatella Bonifazi.
-
Bild 7 von 11. Tut per il meglier maletg. Per far igl meglier maletg dat l'um da camera tut - uschia ch'ins vesa el mintgatant era giaschend per terra. Bildquelle: RTR/Donatella Bonifazi.
-
Bild 8 von 11. L'embarass da la tscherna. Sch'ins ha filmà bler èsi era da guardar tras bler material - l'embarass da la tscherna. Bildquelle: RTR/Donatella Bonifazi.
-
Bild 9 von 11. Organisar tut il material. Suenter tuttas filmadas vali dad organisar il material e d'adattar il concept oriund a la realitad. Bildquelle: RTR/Donatella Bonifazi.
-
Bild 10 von 11. In'emna en il tschaler. In'emna hai cuzzà da tagliar il film "Anna Laura Klucker - Nagut a mesas", sco era las dus contribuziuns per il Telesguard. Lungs dis cun bleras discussiuns e frustraziuns - sco era succes e plaschair. Bildquelle: RTR/Donatella Bonifazi.
-
Bild 11 von 11. Il tschancun final. La sonorisaziun - il pass final dal film. Bildquelle: RTR/Donatella Bonifazi.
Ina dunna che viva gia il semi
Ina dunna che viva gia il semi dad Anna Laura Klucker è Manuela Gobetti-Lutz. La dunna oriunda da Rabius maina cun success dus fatschentas da moda e dat lavur a pliras collavuraturas. Tge tips ch'ella dat ad ina designera giuvna, che vul era cuntanscher quai:
RR Telesguard 17:40