Siglir tar il cuntegn

Header

cuntegn

Annullà, annullà, annullà! Il coronavirus ha consequenzas per il program cultural da Cuira

Il Teater da Cuira e la Postremise han stuì annullar tut lur producziuns fin ils 15 da mars. Ils kinos percunter han anc adina avert – ma cun plaz limitads.

Stuair annullar 10 producziuns dettia blera lavur, di la directura dal Teater da Cuira, Ute Haferburg. Ins stoppia contactar tut ils artists e pajar enavos ils bigliets ch’ils aspectaturs han gia cumprà – tge ch’è tar ina chasa plaina varga 470 bigliets.

audio
Coronavirus: Consequenzas per il program cultural a Cuira
ord Actualitad dals 02.03.2020.
laschar ir. Durada: 2 minutas 28 Secundas.

I manca daners – tar ils teaters sco era artists

Sper quai ch'il local da cultura Postremise perdia en quai temp 5'000 fin 6'000 francs, sco il manader Manfred Ferrari di, na survegnian era ils artists betg lur gascha e quai sappia esser in grond problem per lez.

Ins sto era ina giada pensar vid ils artists, quels han in fitg grond deficit finanzial.
Autur: Ute Haferburger Directura Teater Cuira

In experiment sociologic

Per Manfred Ferrari è quella situaziun extraordinaria era in experiment sociologic fitg interessant. Da mirar tge che capita sch'i dettia naginas purschidas culturalas pli.

Films datti dentant anc da vesair en ils kinos a Cuira. Quai simplamain cun maximalmain 50 aspectaturs.

«Be ina grippa» ubain chapientscha per las mesiras

Malgrà che la citad da Cuira ha introducì mesiras rigurusas èn persunas stadas en sortida la fin d'emna passada. Ils ins han mussà chapientscha per las mesiras che muntan annullaziuns d'occurenzas, ils auters han discurrì d'isteria.

RR actualitad 08:00

Artitgels legids il pli savens