La Polizia chantunala ha dà or l'annunzia da spariziun per Rudolf Erb. Vis el sco davos han ins mesemna, ils 25 da fanadur 2018 enturn las 17:00 uras a Pagig. El haja bandunà il lieu a pe, en direcziun nunenconuschenta. La tschertga da l'um è stada senza success.
Indicaziuns da persuna:
- Rudolf Erb è 1,73 meters grond e da statura satiglia.
- El ha chavels curts, grischs, egls brin-verds ed ina barba.
- Erb porta egliers.
- Cura ch'el è vegnì vesì la davosa giada, purtava el sura insatge cotschen, jeans, chalzers da trecking nairs ed in satgados nair.
Persunas che pon far indicaziuns davart il sparì, duain s'annunziar tar il post da polizia d'Arosa (tel.: 081 257 76 70) u tar mintg'auter post da polizia.
RR novitads 15:00