In donn da radund 1 milliun francs ha l'incendi da gievgia saira sin l'areal da la Axpo Tegra SA a Domat chaschunà. Quai communitgescha la Polizia chantunala dal Grischun. Il motiv exact, pertge ch'i ha brischà n'enconusch'ins anc betg.
Emprimas enconuschientschas laschan supponer ch'i haja in connex tecnic. Il fieu ha anc pudì vegnir stizzà ier saira. Persunas n'èn betg vegnidas blessada.
