La regenza grischuna ha uss suttascrit in contract da construcziun cun il team d’investurs enturn la «Asga Pensionskasse Genossenschaft» (Son Gagl), Bollhalder Eberle Architektur (Son Gagl) e SIMA BREER Landschaftsarchitektur (Winterthur). Tenor communicaziun furmia lur project «Baumweissling» ina punt dal territori urban al territori rural. En il medem mument respectia il project l’implant da la clinca Waldhaus e garanteschia zonas generusas.
Per satisfar a las bleras pretensiuns ed als differents interess ha l'uffizi da construcziun auta laschà far ina concurrenza d'investurs. Igl è vegnì tschertgà in concept architectonic-urbanistic che mantegna ils conturns fermamain verds en l'areal e che pussibilitescha tant l'invista a sco er la vista da l'implant da la clinica. Sco part integrala dal studi è vegnida pretendida supplementarmain in'offerta per il tschains dal dretg da construcziun.
RTR novitads 11:00