Siglir tar il cuntegn

Header

cuntegn

Arosa Aviun pitschen è crudà giu

Ad Arosa è crudà giu da mezdi in aviun pitschen datiers da la staziun da muntogna Tschuggen dasper la pista. Tenor indicaziuns da la polizia chantunala han las duas persunas che sa chattavan en l'aviun, pudì vegnir salvadas dals pumpiers cun grevas blessuras.

Il pilot da 79 onns e ses accumpagnader da 62 onns èn vegnids transportads cun la Rega en l'ospital a Cuira.

aviun crudà.
Legenda: MAD

La raschun n'è anc betg clera

La polizia saja vegnida alarmada curt suenter las 11:45 da pliras persunas ch'han vis la crudada. L'aviun haja sco ch'i para empruvà da far in atterrament d'urgenza e saja lura crudà giu. La raschun per la disgrazia n'è anc betg clera. Quella vegn ussa sclerida dal post per l'examinaziun da segirezza Sust e da la procura publica grischuna.

RTR novitads 14:00