Ina mesiraziun da controlla haja mussà ch'il glatsch dal Obersee saja anc memia satigl per pudair far las cursas da chavals ils 13 da schaner ad Arosa, communitgeschan ils organisaturs da las cursas.
Perquai hajan els decidì da spustar las fin d'emnas da cursa: L'emprima fin d'emna duai avair lieu ils 20 da schaner, la segunda lura ils 27 da schaner.
Gia il cumenzament da quest onn avevan ils dad Arosa stuì desister sin las cursas da chavals. Pervi da las temperaturas autas e la blera plievgia aveva Arosa stuì stritgar las duas fin d'emnas da cursa ils 21 e 28 da schaner 2018.
RR novitads 14:00