Siglir tar il cuntegn

Header

Accident sin pista.
Legenda: In skiunz da 57 onns ha percurschì memia tard in uffant davos in crest, uschia ch'el n'ha betg pudì guntgir ed è collidà cun la mattetta. MAD
cuntegn

Arosa Dus blessads suenter collisiun sin pista

Sonda vers mezdi è in um da 57 onns collidà cun ina mattetta da 5 onns. L'um era sin la pista 5b en direcziun staziun da val. En in lieu nunsurvesaivel, davos in crest, era da medem temp ina mattetta da 5 onns sin pista. Il skiunz aveva percurschì memia tard l'uffant e n'ha betg pudì evitar ina collisiun, sco la Polizia chantunala scriva. Tras la collisiun è la mattetta vegnida bittada aval ed è sa fermada giudim la plaunca. Terzas persunas sco era il salvament da pista han dà emprim agid fin che la Rega è arrivada.

La Rega ha sgulà la mattetta cun grevas blessuras dal chau e dal pèz en l'Ospital chantunal a Cuira. L'um è sa blessà vi d'in bratsch e la Rega ha era sgulà quel en l'ospital.

RTR novitads 09:00