Siglir tar il cuntegn

Header

Video
L'urs arriva ad Arosa
Or da RTR dals 05.07.2018.
laschar ir
cuntegn

Ulteriur Grischun Arosa ha ses emprim urs

En il parc d'urs ad Arosa è arrivà mesemna l'emprim urs. «Napa» è vegnì da la Serbia en Svizra.

Arosa ha survegnì mesemna ses emprim urs per il parc d'urs. Il mardi è l'urs «Napa» sa mess sin viadi en in transporter da Palic en Serbia enfin Arosa. Mesemna da mezdi è il team da transport cun l'urs lura arrivà sisum il Scanvetg. Il davos toc è l'animal vegnì transportà cun la gondla envers il Weisshorn sur Arosa. L'urs «Napa» ch'è stà ditg in urs da circus survegn in nov da chasa ad Arosa. Il parc d'urs è trais hectaras gronds e porscha prà, guaud, in lajet sco era grippa e crappa.

In viadi da bunamain 30 uras

L'urs è vegnì transportà en in'ambulanza speziala, il viadi da bun 1'400 kilometers ha cuzzà bunamain 30 uras, uschia Arosa Turissem. Il viadi è ì davent da la Serbia tras la Croazia, la Slovenia, l'Austria, la Germania enfin ch'el è arrivà en sia nova patria en il Grischun. Per ch'el giaja en sia chista da transport ha el stuì vegnir narcotisà. Durant il viadi è el dentant stà senza anestesia.

Uss duai l'urs daventar la nov'attracziun dad Arosa Turissem e carmalar giasts en la regiun. Da l'autra vart porscha Arosa Turissem er in nov da chasa ad in urs ch'è vegnì maltractà e tegnì en relaziuns schletas. Napa è stà ditg in urs da cirucus entochen che l'organisaziun «Vier Pfoten» ha salvà e mess el en in zoo datiers da Belgrad. Dapi il 2016 spetga el sin in nov da chasa.

RR actualitad 17:00

Dapli da Grischunavrir la Landingpage

Nach links scrollen Nach rechts scrollen