Siglir tar il cuntegn

Header

purtret da persunas che stattan en colonna, cun tegnair distanza, per pudair sa laschar testar sin corona.
Legenda: Keystone
cuntegn

Arosa Isolà cun success gnieus da corona

1'379 persunas èn vegnidas testadas ad Arosa sin il coronavirus. 98% dals tests èn stads negativs. 29 persunas èn testadas positivas, da quai 19 ca sin il virus mutà. La rata da tests positivs è sa reducida cumpareglià cun l'emna avant. Ils cas novs possian er vegnir manads enavos sin la scola.

Ils gnieus da corona ad Arosa èn vegnids isolads cun success. Quai ha communitgà l’Uffizi chantunal da sanadad.

  • 1'379 tests
  • 98% negativs
  • 29 positiv
  • da quai 19 cun la varianta mutada

Da 90 emprovas ch'èn vegnidas fatgas en scola èn 5 stadas positivas, tuttas cun la varianta mutada. En cumparegliaziun cun ils tests dad avant in’emna è il dumber d’infecziuns sa reducì. La gievgia ed il venderdi è ultra da quai vegnì fatg in ulteriur test da massa per las abitantas ed ils abitants dad Arosa. Da var 1'290 emprovas èn 24 stadas positivas. Sulettamain ina da questas persunas n’è betg stada en il conturn da la scola d’Arosa. Quella è oz puspè vegnida averta – suenter ch’ella era vegnida serrada ils 28 schaner.

Scola stada serrada dapi 26 da schaner

Ils 26 da schaner avevan las autoritads reagì cun mesiras da protecziun perquai ch'i avevan constattà fitg blers cas en il conturn da la scola. La scola è vegnida serrada ed i ha dà la pussaivladad da sa participar als tests da massa. Da 2'794 provas eran 76 stadas positivas e 63 da quels cas cun la mutaziun. Dapi oz è la scola puspè averta.

RTR novitads 12:00

Artitgels legids il pli savens

Scrollar a sanestra Scrollar a dretga