Legenda:
Quest onn è il Tour de Suisse passà avant la Chasa federala. Las destinaziuns turisticas vulan cun l'engaschi engrondir la preschientscha en l'entira Svizra.
Keystone
cuntegn
Ulteriur Grischun - Arosa, Tavau, Claustra e San Murezzan sustegnan Tour de Suisse
Las destinaziuns turisticas Arosa, Claustra/Tavau ed Engiadina/San Murezzan collavureschan pli stretg e sustegnan communablamain il Tour de Suisse sco partenari uffizial per ils proxims 3 onns.
Cun quest pass vulan ils 3 partenaris suttastritgar ils interess communabels dal turissem svizzer e dal turissem grischun. Quai scrivan ils partenaris turistics en ina communicaziun communabla.
Cun l'engaschament vulan ins intensivar la preschientscha durant ina da las pli tradiziunalas e enconuschentas manifestaziuns da sport en Svizra. Las destinaziuns duajan esser visiblas mintgamai als lieus da partenza e da finiziun, sco era durant la cursa sin ils tricots dal premi da muntogna, sco er sin ils tschancuns da las etappas.
