Siglir tar il cuntegn

Header

video
Tschierv cun 6 kilos plastic en il magun
Or da Telesguard dals 17.12.2019.
laschar ir
cuntegn

Arosa Tschierv cun 6 kilos plastic en il magun

Ad Arosa ha la guardia selvaschina stuì sajettar in tschierv pervi da ses cumportament privlus. L'analisa dal cadaver ha lura purtà restultats surprendents. En il magun da l'animal sa chattavan 6 kilos rument da plastic che l'animal n'ha betg pudì excretar.

En il magun aveva il tschierv tranter auter guants da plastic, cordas, raits da pavel d'utschels e bler auter. Las restanzas chattadas en il magun eran per part gia onns a la lunga en il corp da l'animal. Il tschierv pasava in bun pau damain ch'in animal cumparegliabel da la medema vegliadetgna.

Pavlar poi avair consequenzas fatalas

Cun l'emprima naiv cumparan tschiervs en ils vitgs, cumbain ch'els na pateschan betg anc da l'enviern. Il motiv: pavel carmala ils animals en ils abitadis. Questa purschida da pavel en il territori abità po avair consequenzas fatalas per ils tschiervs, sco quai che l' exempel d'Arosa mussa.

Carmalà natiers da mantuns da cumpost, da chasettas d'utschels e d'autras funtaunas da pavel sa trategneva quest animal selvadi en ils vitgs alpins d'Arosa e da Langwies. Pervia da ses cumportament è el daventà ina ristga per la segirezza, uschia che la surveglianza da chatscha ha stuì sajettar il tschierv il cumenzament da december.

Per tadlar curt e concis:

Pavlar è scumandà

Atgnamain scumonda la lescha chantunala da chatscha da pavlar activamain e passivamain animals selvadis. Tuttina vegnan animals selvadis adina puspè pavlads. Er tar RTR è quai adina puspè vegnì tematisà. En il radio (Forum) u er en il Telesguard (guarda qua sut):

video
Pavlar selvaschina?
Or da Telesguard dals 08.02.2018.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga