Siglir tar il cuntegn

Header

Il perimeter dal nov parc dad urs che fiss da vesair davent da la pendiculara Weisshorn.
Legenda: Il perimeter dal nov parc dad urs che fiss da vesair davent da la pendiculara Weisshorn. mad
cuntegn

Ulteriur Grischun Arosa: Ulteriur pass en direcziun parc dad urs

Il parlament da la vischnanca d'Arosa ha approvà la midada da zona ch'è necessaria per pudair realisar il parc, e quai unanimamain. Uschia è l'idea d'in parc dad urs ad Arosa in pass enavant.

Ils 14 commembers dal parlament èn persvadids che quest project possia daventar in'attracziun turistica. Ils 20 da settember aveva il manader dal project preschentà l'idea minuziusamain ed era stà a disposiziun per dumondas dals burgais. L'eco da la populaziun saja per gronda part positiv, scriva Arosa turissem en ina communicaziun a las medias.

Pievel vegn clamà a l'urna

Ils 27 da november ston ils abitants dad Arosa vuschar davart la midada da zona. Il project turistic «Pajais d'urs» prevesa in parc d'urs da 2,5 hectaras dasper la staziun mez da la pendiculara Weisshorn ad Arosa.

RR novitads 11:00

cdm/sc