Siglir tar il cuntegn

Header

cuntegn

Ulteriur Grischun Assagl da rapiment a Cuira

La notg sin dumengia è in um da 28 onns vegnì spoglià a Cuira. El era sin via a chasa, 100 meters davent da la via Gäuggeli, cura ch'el è vegnì piglià davosen. Cura ch'el ha vulì sa dustar han dus umens mess el per terra ed han cumandà ad el da dar ses daners. Quai ha el lura era fatg.

El n'è betg vegnì blessà. Ils dus nunenconuschents èn fugids. Tenor la polizia discurrivan els tudestg-svizzer cun accent da l'exteriur. Ils dus umens èn tranter 20 e 25 onns vegls e circa 170 cm gronds. Omadus han purtà ina chapetscha cun ina sfessa da vesair. Els eran vestgids stgir, la giacca d'in um aveva mongias grischas.

Tgi che po far ulteriuras indicaziuns vegn supplitgà da s'annunziar tar la polizia.

RR novitads 14:00

Artitgels legids il pli savens