La pedagoga Alexa Giger porscha mintga dus mais l’atelier rumantsch en il museum d’art a Cuira. Mesemna passada era il tema chatscha. Sis uffants han sa participà. Sco emprim han els fatg ina runda da bainvegni e lura èn els ids a mirar l’exposiziun da chatscha. Alexa Giger, la directura da l’intermediaziun d’art, observescha e discutescha cun ils uffants sur da las ovras d’art.
La gronda sfida per Alexa Giger è da far l’atelier interessant per uffants da dudesch onns, ma na betg memia cumplitgà per uffants da tschintg onns. Schegea ch’ils uffants discurran differents idioms è quai nagin problem per la Sursilvana. L'idea davos l'atelier rumantsch è ch'ils uffants han la pussaivladad da discurrer rumantsch er en il temp liber.
Per promover la lingua rumantscha a Cuira, avain nus introducì l'atelier rumantsch.
Durant duas uras han ils uffants la pussaivladad da vegnir en contact cun l’art e suenter sez vegnir creativs cun dissegnar animals ch’els vulessan esser. La creativitad enconuscha nagins cunfins.
RR actualitad 17:00