Siglir tar il cuntegn

Header

audio
Schreiber vs.Schneider ed il Grischun
Or da Famus e glorius dals 21.08.2019.
laschar ir. Durada: 05:30 minutas.
cuntegn

Atgna abitaziun en il Grischun Schreiber vs. Schneider – e lur colliaziun cun il Grischun

Dapi sia uffanza fa Sybil Schreiber vacanzas a Bravuogn. Oriunda da Minca ha la muntogna immediat fascinà ella. Ma era ses um Steven Schneider ha ina lunga istorgia cun il Grischun. Ses meglier collega ha lavurà a Glion sco fotograf. Grazia ad el ha Steven emprendì d'enconuscher la Surselva.

Ils dus auturs han scrit lur emprima columna per il magazin dal Coop sin il viadi cun il tren en il Puschlav. Els èn stads uschè fascinads da la vallada ch’els han gist era maridà là.

Il pèr n'è dentant betg sulettamain stà en l’ Engiadina, els han gia visità l'entir Grischun. Era zunt intgantà èn els da la Val Stussavgia, la Ruinaulta e da la Val Müstair.

Vus avais in temp limità d’emetter, ma nus avain istorgias senza fin dal chantun.
Autur: Steven Schneiderscrivent

In segund da chasa

Uss han els da nov ina atgna abitaziun en il Grischun. Quella è dentant betg mo per far vacanzas cun l'entira famiglia, mabain era per scriver lur texts e cudeschs. In lieu da refugi, co ch'els din.

E pertutgant il rumantsch, els taidlan savens Radio Rumantsch ma chapeschan fin uss mo singuls pleds. Quai less il pèr midar.

RR famus e glorius 10:30