Tempra d'advent a Cuira: En la citad veglia ha questa fin d'emna gì lieu il martgà da Nadal. Ensemen cun ils stans e las decoraziuns en la via da la staziun è la citad da Curia sa preschentada en in flair festiv. Fitg blers da lunsch e datiers han chattà la via a Cuira ed èn stads fin la saira tard. Ils creschids han bavì vin u té chaud ed ils uffants han gì plaschair dad ir ina runda sin il carussel.
En emprima lingia giudair
Ils stans dal martgà da Nadal han exponì differents products. Davent da stans cun chandailas fatg sezzas, figuras da Nadal ed ielis da far massascha sur stans per prender ina buccada fin tar stans da cudeschs hai gì tut a Cuira.
Per ils preschents èsi en emprima lingia propi ì per giudair l'emprima fin d'emna d'advent. Els n'èn betg anc stads tschiffads dal stress da Nadal. Patgificamain han els fatg la runda tras la citad veglia da Cuira, dà baterladas e sch'els han chattà in regal ideal, gia cumprà quel per Nadal.
RR actualitad 08:00