La dumonda per il project ha Lukas Schweizer survegnì sur facebook. El n'è betg grond s'infurmà sur da l' autissem e vuleva simplamain sa laschar surprender. E l'emprim inscunter è stà ina surpraisa. Per l'ina era il cumportament dals autists auter che spetgà ed er la lavur ensemen cun ils tgirunzs era autra. Per Lukas Schweizer è l'entir project stà in temp fitg fascinant.
Durant la lavur hai però er dà intginas difficultads. Per exempel da pudair fotografar ils autists, durant ch' els curran adina enturn. Tuttina era la lavur fitg bella, intensiva ed aveva er muments magics. Suenter bundant trais onns è il project a fin. Lukas Schweizer avess però gronda veglia da far puspè in project en quest stil.
video
Museum d'art – Exposiziun davart autissem
Or da Telesguard dals 22.01.2020.
laschar ir. Durada: 3 minutas 18 Secundas.
RTR actualitad 08:00