Auto croda 20 meters d'ina spunda giu

A Maladers hai dà in accident cun auto la gievgia suentermezdi. In pèr dal chantun Tessin charrava sin la via dal Scanvetg ch'era cuverta cun naiv.

L'auto en costas suenter ch'el è cupitgà da la spunda giu. Bild in Lightbox öffnen.

Legenda da maletgs: L'auto è vegni donnegià dal tut, blessads n'hai però dà nagins. pocha.gr

En ina storta da manaivel da la fermada da posta a Malix è l'auto glischnà, rut tras ina saiv ed è crudà 20 meters d'ina spunda giu. Sco quai che la polizia communitgescha hajan las duas persunas pudì bandunar l'auto senza blessuras.

L'auto è vegnì donnegià dal tut. Durant che l'auto è vegnì salvà ha la polizia stuì serrar la via dal Scanvetg per mes'ura.

RR novitads 20:00