Ulteriur Grischun - Auto da persunas siglia en pitga da benzin
La notg da venderdi sin sonda è in automobilist collidà a Cuira cun ina pitga da benzin, suenter ch'el ha pers la controlla da ses auto. Blessads n'hai betg dà.
Suenter l'accident sin la via Rossboden saja l'um simplamain charrà davent, senza s'empatschar dal donn considerabel, sco la polizia da la citad da Cuira scriva. Pli tard ha la polizia lura chattà in um suspectà, e fatg ina controlla da sang e d’urin. Ses bigliet ha quel stuì deponer direct.
Tant vi dal vehichel sco vi da la pitga da benzin hai dà donns considerabels.
