Siglir tar il cuntegn

Header

cuntegn

Avant 30 onns A Cuira vegnan ils dretgs d’uffants celebrads

Avant 30 onns è la convenziun dals dretgs d’uffants vegnida furmada. Cun in stan sin il Alexanderplatz a Cuira è quest mument impurtant vegnì celebrà.

Entamez il Alexanderplaz è mesemna stà da vesair ina tenda cun café, petta e popcorn. Tut enturn hai dà bleras attracziuns per ils uffants. Tranter auter quadrels gronds per bajegiar chasas, ina maisa per malegiar ni in clown ch’ha divertì ils uffants. Tut quai è vegnì organisà da la lavur sociala d’uffants a Cuira.

Astrid Schröder, manadra da la lavur sociala d’uffants a Cuira, è da l’opiniun ch’i saja impurtant da far attent la glieud ch’ils uffants hajan era dretg schegea ch’els na pon betg far sez diever dad els.

Qua èn Svizra datti era famiglias che na respectan betg ils dretg d’uffants.
Autur: Astrid Schrödermanadra da la lavur sociala d’uffants a Cuira

Quai po per exempel esser ina educaziun da violenza.

A Berna passa 850 uffants

Era en autras parts da la Svizra è il di vegnì festivà. Per exempel a Berna èn passa 850 uffants sa radunads cun il cusseglier federal Alain Berset sin la plazza federala.

RTR actualitad 17:00