A Cuira èn 2 lavurants vegnids blessads grevamain glindesdi da mezdi cura ch'in balcun è crudà giu, quai ha communitgà la Polizia chantunala grischuna.
Legenda:
In dals lavurants è vegnì sut il balcun.
Pocha GR
Durant lavurs da renovaziun vid in bajetg vulevan ils lavurants resgiar davent il balcun. Quel saja alura crudà da l'emprima auzada plirs meters a funs. Pumpiers han stuì liberar in dals lavurants ch'era vegnì sut il balcun. Il Salvament Cuira ha transportà ils grev blessads en l’Ospital chantunal.
