Siglir tar il cuntegn

Header

Navigaziun

Legenda: Tadlar il audio Mezdi: Museum da natira: Bursa da barat da sems. Durada 02:25 minutas.
Or da Actualitad dals 04.03.2019.
cuntegn

Ulteriur Grischun Baratar sems per la biodiversitad

La dumengia passada ha gì lieu a Cuira l'emprima bursa da barat per sems. Sur 50 persunas èn sa scuntrads per barattar semenza da verdura, flurs e chaglia. La mira dals organisaturs è d'auzar la biodiversitad en ils ierts.

Las visitadras ed ils visitaders portan lur sems. Quels mettan els or sin ina da las quatter maisas. Sch'insatgi vul prender cun sai in pèr sems, dastga el simplamain pachetar en in pèr. Ils sems na custan nagut, sch'ins ha sez manà agens sems. Uschiglio pajan ins ina pitschna summa simbolica.

L'organisatura da la bursa da barat è Karin Roth. Ella fa part a la gruppa «Permacultura Grischun». Cun la bursa vul ella promover la biodiversitad en ils ierts.

Mintga ortulan ha a chasa ina pluna sems. Qua po ins dentant parter ils sems e procurar uschè per ina pli gronda biodiversitad.
Autur: Karin RothOrganisatura bursa da barat

Uschè ina bursa saja vinavant in'occasiun ideala per chattar insatge nov per implantar a chasa. Ils sems che vegnan barattads chattan ins per part era en butia. Insaquants èn dentant pli specifics, adattads ni spezialisads per ina regiun. Sems ch'èn vegnids cultivads e cruschads na dastgan ins betg barattar.

RR actualitad 12:00