"Ils retards da Janka vegnan mesirads en minutas"
Perfin ils precurriders sajan pli spert ch'il skiunz Carlo Janka, il manader da l'Arena Alva Reto Gurtner fiss entant cuntent sch'almain ils indigens giessan sin pista, la firma Carna Grischa haja en ses magasin charn anc pli veglia ch'ils skelets chattads datiers da Filisur e per l'anteriur directur da cura da San Murezzan Hans Peter Danuser cumenzia la vita per propi cun 66 onns. Quai èn be in pèr exempels da las salamuiras registradas dal schurnal regiunal da radio SRF glindesdi saira a Cuira.