Siglir tar il cuntegn

Header

cuntegn

Ulteriur Grischun Benjamin Raich vegn a mancar al circus da skis

Durant 2 decennis è el stà ina da las grondas figuras en il circus da skis. Avant bun 2 mais ha el lura dà adia. Il skiunz austriac Benjamin Raich ha gudagnà tut quai ch'ins po gudagnar en il sport da skis.

Benni Raich al slalom gigant sin il glatscher da Sölden.
Legenda: Benni Raich al slalom gigant sin il glatscher da Sölden. Keystone

Il 2006 ha Benni Raich gudagnà duas giadas aur als gieus olimpics a Turin, plinavant è Raich vegnì trais giadas campiun mundial ed el ha tranter auter er gudagnà il 2006 la cuppa mundiala generala.

Gronds success ha l’Austriac er festivà en Svizra. Sin la plaunca legendara dal Chuenisbärgli ad Adelboden ed a Wengen è Benni Raich stà otg giadas sisum il podest.

audio
Sportissimo: Ski alpin - Benjamin Raich e sia grondiusa carriera
ord Sportissimo dals 22.11.2015.
laschar ir. Durada: 4 minutas 16 Secundas.

Ils 10 da settember ha Benjamin Raich dà adia ed ha terminà sia lunga carriera cun 36 victorias en la cuppa mundiala, ina pli pauc che sia dunna Marlies Schild, oz Raich. Per Benjamin e Marlies, ils dus anteriurs spezialists en las disciplinas tecnicas, stat oz en emprima lingia la famiglia en il center. Ils 20 d’october èn els vegnids per l’emprima giada geniturs d'in buob, il figl Josef.

Artitgels legids il pli savens