Siglir tar il cuntegn

Ulteriur Grischun Benzin empè da diesel en tancadi a Landquart

Tranter glindesdi e mesemna han clients dal tancadi da Coop Pronto a Landquart senza savair tancà benzin empè da diesel. Il distributur era vegnì emplenì fauss. Pertutgads duessan s'annunziar tar il tancadi.

part d'auto che vegn tancà.
Legenda: Benzin empè da diesel en tancadi a Landquart. Keystone

Glindesdi ils 27 d'avust hai dà in discletg che custa char vi d'in tancadi da Coop pronto a Landquart. In furnitur da carburant ha emplenì benzin empè da diesel en in distributur da diesel. Fin la mesemna haja nagin badà quai. Lura sajan ils emprims clients s'annunziads tar il tancadi. Quai ha confermà la pledadra dals tancadis da Coop, Sabine Schenker, envers südostschweiz.ch. Il distributur saja silsuenter subit vegni serrà e pli tard svidà e nettegià.

Segiranza surpiglia custs da reparatura

Quantas persunas che han emplenì tranter glindesdi e mesemna il tanc da lur auto vi da quest distributur n'è anc betg enconuschent. Coop dumonda perquai tut ils clients pertutgads da s'annunziar tar il tancadi a Landquart. Ils custs da las reparaturas vegnia la segiranza dal distributur a surpigliar.

RR novitads 20:00