Siglir tar il cuntegn

Header

turists da skis cun mascrinas tar la staziun a val da las pendicularas d'Arosa
Legenda: Las pendicularas d'Arosa han sentì las consequenzas da la pandemia cunzunt tar la svieuta. MAD, Pendicularas Arosa SA
cuntegn

Bilantscha intermediara Pendicularas Arosa quintan cun damain svieuta ma resultat guliv

Las Pendicularas d'Arosa han fatg bilantscha intermediara da las stagiuns da stad e d'enviern passadas. Ils responsabels quintan cun in minus da la svieuta da 4,9 milliuns francs. Passa 3 milliuns damain haja la gastronomia purtà, uschia la prognosa per l'onn da fatschenta 2020-2021 da la Pendicularas Arosa SA. E tar las pernottaziuns manchia in milliun francs pervi da la pandemia.

Tuttina resultat guliv

Tuttina spetgan las pendicularas in resultat guliv. Quai grazia ad ina buna vendita da bigliets dal di e da l'onn sco er grazia a las indemnisaziuns per lavur reducida e la spierta take-away. Tenor il president dal cussegl d'administraziun Lorenzo Schmind, sajan ins tut en tut vegnì davent cun in egl cler-blau. Ina prognosa per la stagiun da stad n'ha el betg gugegià. L'ultima stad saja però stada exraordinaria e quai be pervi dals blers giasts svizzers.

audio
Per tadlar: Las novitads da las 17:00
06:16 min, RTR Audio dals 30.04.2021.
laschar ir. Durada: 06:16 minutas.

RTR novitads 17:00

Artitgels legids il pli savens

Scrollar a sanestra Scrollar a dretga