Siglir tar il cuntegn

Header

Navigaziun

cuntegn

Ulteriur Grischun Blera lavur per la polizia a Cuira

La polizia da la citad è stada en acziun gist tar sis accidents. Tuts sajan capitads pervia da betg adattar il tempo sin las vias curcladas da naiv.

Auto en la naiv nova.
Legenda: Entaifer curt temp hai dà a Cuira plirs donns: la polizia è vegnida clamada tar sis accidents. MAD

Pervia da la blera naiv nova hai dà plirs accidents sin las vias da la chapitala grischuna:

  • Tar in accident è in bus da Cuira collidà curt avant las 07:00 cun ina planta sin la Loestrasse.
  • Be intginas minutas pli tard hai dà ina collisiun sin la Ringstrasse nua ch'in mattatsch dad 11 onns è vegnì blessà levamain.
  • Strusch in'ura pli tard è ina automobilista tar la rundella Ringstrasse/ Tittwiesenstrasse ruschnada en in mir. L'auto ha stuì vegnir depannà.
  • Curt avant las 09:00 è in automobilist charrà sin la Weisenhausstrasse e glischnà en la prada.
  • E be ina mes'ura pli tard è in auter automobilist collidà en la Arlibonstrasse cun in candelaber.
  • Curt suenter las 10:30 è in automobilist charrà sur l'Arosastrasse en direcziun citad. En ina curva è l'auto glischnà e collidà cun la saiv da segirezza.

Ils donns da material tar tut quests accidents muntia a plirs 10'000 francs.

RR novitads 16:00