Siglir tar il cuntegn

Header

cuntegn

Ulteriur Grischun Blocs da betun protegian er quest onn la festa da Cuira

Pervia ch'i vala anc adina in privel da terrur considerabel en Svizra è la polizia da la citad da Cuira sa decidida da er quest onn proteger l'areal da la festa da Cuira cun blocs da betun.

Malgrà ch'igl è sta ruassaivel il davos temp en l'Europa puncto acts da terrur è la polizia da la citad da Cuira sa decidida da puspè postar blocs da betun da la festa da Cuira. Quai cunzunt als lieus neuralgics sco al plaz d'Alexander, il plaz da la posta u tar la cruschada Reichsgasse/Grabenstrasse. Il motiv principal è tenor Ueli Caluori, cumandant da la polizia da la citad, ch'i vala en Svizra anc adina in privel considerabel da terrur.

audio
Saira: Festa da Cuira – È il privel da terrur anc in tema?
ord Actualitad dals 17.08.2018.
laschar ir. Durada: 2 minutas 24 Secundas.

Uschia ch'il concept da segirtad saja betg sa midà grond cumpareglià cun l'onn passà. Sper ils elements da betun datti durant la fin d'emna da festa er dapli controllas da traffic e da persunas. Plinavant vegn la preschientscha da polizia. Qua vegnan els er sustegnì da la polizia chantunala.

Autras occurenzas senza elements da betun

Sch'ins è stà quest onn al food festival ubain al festiva d'artists Buskers n'han in vesì nagins blocs da betun. Tenor Ueli Caluori vegnia mintga festa evaluada e lura decidì sin fundament da la grondezza, l'areal ed ils visitaders tge mesiras prender. Tar occurenzas pli pitschnas vegnian ils blocs da betun lura betg en acziun. Enfin uss han ins a Cuira fatg diever dals elements da la festa da Cuira, la Schlagerparade ed il martgà da Nadal.

RR actualitad 17:00

Artitgels legids il pli savens