Siglir tar il cuntegn

Header

Fim sur Cuira.
Legenda: Betg lunsch davent dals bajetgs dal City West a Cuira hai brischà il venderdi avantmezdi. MAD
cuntegn

Brischament a Cuira Bler fim tar in fieu en ina chasa da fatschenta

Venderdi da las 10 ha la polizia da Cuira survegnì l'alarm ch'i brischia en ina stizun d'animals. Radund 70 pumpiers han gì sut controlla il fieu suenter var in'ura. Blessads n'hai dà nagins, ed era ils animals da la stizun d'animals èn mitschads.

Entant ch'ils pumpiers eran vi da stizzar il fieu, è la squadra da tgira grischuna sa fatschentada cun las circa 30 persunas evacuadas or d'ina stizun d'animals, d'ina stizun da chalzers ed ord ina chasa da fatschenta en la vischinanza. Ina squadra d'ambulanza ha controllà pliras persunas, dentant n'avevan naginas ina tissientada da fim.

Vi da l'entir cumplex dal bajetg hai dà gronds donns, era pervi dal fim. Quai scriva la polizia chantunala.

video
Brischament a Cuira - Garascha sutterana dal Vögele Shoes
Or da RTR Social dals 28.02.2020.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga