A Tavau Wiesen è rut ora in fieu mardi a bun’ura. Las flommas han destruì ina chasa ed ina stalla. Quai communitgescha la Polizia chantunala.
Blessads n'haja dà nagins. Ils abitants da la chasa, in pèr pli vegl saja vegnì dasdà dad in schluppegim. Cun agid dad in vischin haja il pèr pudì bandunar la chasa tras ina fanestra.
Ils pumpiers da l'Alvra e Tavau èn stads en acziun cun 50 persunas per stizzar il fieu. La raschun per l'incendi n'è anc betg clera.
RR novitads 09:00
