Siglir tar il cuntegn

Header

cuntegn

Ulteriur Grischun Brischament a Zezras

A Zezras hai brischà questa notg en ina chasa da 3 auzadas. En consequenza sajan 2 persunas vegnidas blessadas. Ils pumpiers hajan evacuà 10 persunas, communitgescha la polizia chantunala.

Enturn las 03:40 ha in'abitanta d'ina abitaziun en il plaunterren constatà ch'in fieu è rut ora en ina chombra. Ad ella e ses figl dad 8 onns èsi reussì dad ir ora en il liber ed alarmar ils pumpiers. Omadus han gì pitschnas tissientadas da fim ed èn vegnids transportads en l’ospital chantunal a Cuira.

Donn da plirs 100'000 francs

L’abitaziun en il plaunterren nua ch’il fieu è rut ora è vegnida destruida cumplettamain. Entras il fim èn era las stgalas e singulas abitaziuns vegnidas donnegiadas considerablamain. Tenor la polizia chantunala munta il donn material a plirs 100’000 francs.

RR novitads 10:00

Artitgels legids il pli savens